.png "English"){kind=small}
Բրազիլացի 20-ամյա կիսապաշտպան Լուկաս Սիլվան այսօր առավոտյան ժամանել է Դոհա, որտեղ իր նոր թիմը` ֆրանսիական «ՊՍԺ»-ն, մարզումներ է անցկացնում` պատրաստվելով ֆրանսիական առաջնությանվերասկսվելուն: «Նոր եմ հյուրանոց ժամանել: Սա դժոխային ու հոգնեցնող մի ճանապարհորդություն էր: Շնորհակալ եմ Աստծուն, որ ամեն բան կարգին է»,- գրել է ֆուտբոլիստն իր Twitter միկրոբլոգի էջում: Այսօր կեսօրին խաղացողն իր անդրանիկ մարզումը կանցկացնի նոր թիմի կազմում, իսկ չորեքշաբթի օրը` հունվարի 2-ին, արդեն տեղի կունենա խաղացողի պաշտոնական շնորհանդեսը` որպես «ՊՍԺ»-ի խաղացող:
Հարկ է նշել, որ Լուկասը «ՊՍԺ» էր տեղափոխվել անցած ամռանը 40 մլն եվրոյի դիմաց: Ավելին` այդ գումարը կարող է աճել ևս 5 մլն-ով:
